യേശുവേ നിൻ സ്നേഹത്തിൻ ആഴം
❣❣❣❣❣❣❣❣❣❣❣❣❣❣❣❣❣
സ്നേഹമേ സാന്ത്വനം ഏകും നിൻ സ്നേഹം
ഈശോയെ സൗഹൃദം സൗഹൃദമേകും നിൻ സ്നേഹം.
വിരിച്ച കരങ്ങളാൽ നീ കുരിശിൽ കിടക്കുമ്പോൾ
വിടർന്ന നയനങ്ങളാൽ നീ എന്നെ നോക്കുമ്പോൾ
വഴിയരികിൽ നീയെന്നെ കാത്തിരിക്കുമ്പോൾ
വിണ്ണിൽ നിന്നും അപ്പത്തിലാഗതനാകുമ്പോൾ
ഈശോയെ നിൻ സ്നേഹത്തിൻ ആഴം കാണുന്നു ഞാൻ
ഈശോയെ നിൻ കരുതലിൽ കാതൽ കണ്ടു ഞാൻ.
ആരാരും അറിയാതെ രാവുകളിൽ ഉരുകുമ്പോൾ
ആരാരും കേൾക്കാതെ നിൻ മുൻപിൽ കരയുമ്പോൾ
ആശ്രയമായി വരും നീ കണ്ണീർ തുടച്ചെൻ
അജപാലകൻ ആയി നിന്നരികെന്നെചേർത്തിടും
യേശുവേ നിൻ സ്നേഹം ആണെൻ സൗഭാഗ്യം
ഈശോയെ നിൻ കരുണയാൽ നിറയുകെന്നിൽ
മുറിവുകളാൽ നീറുമ്പോൾ മനം ഇടറുമ്പോൾ
മുള്ളുകളെൻ ശിരസിൽ പതിയുമ്പോൾ
ഒന്നും ശബ്ദിക്കാൻ ആവാതെ
കണ്ഠം ഇടറുമ്പോൾ
അപമാനഭാരത്താൽ ഞാൻ ഒറ്റപ്പെടുമ്പോൾ
യേശുവേ നിൻ വചനമാണെന്ന് കവചം
യേശുവേ തിരുവോസ്തിയായി വാഴുകെന്നിൽ.
സോണിയ K ചാക്കോ, DC
No comments:
Post a Comment