സായാഹ്ന നൊമ്പരങ്ങൾ
വാർദ്ധക്യമാം വേദനയിൽ
വശംകെട്ടുരുകുമ്പോൾ
വിണ്ണും മണ്ണും നനയുന്നു
വിരഹദുഃഖ വിഷമത്താൽ .
ജീവനെപ്പോലെ സ്നേഹിച്ചവർക്ക്
ജീവനില്ലാതാകുമ്പോൾ
ജീവിതമൊരു നാൽക്കവലയിലെത്തി നില്ക്കുന്നു
ജീവിത സായാഹ്ന നൊമ്പരനിമിഷങ്ങൾ.
നെഞ്ചോട് ചേർത്തണച്ച മക്കൾക്ക്
നെഞ്ചിലിടമില്ലാതാകുമ്പോൾ
നിശ്ചലമായ ഹൃത്തടത്താലവർ
നിരത്തിലെറിയുന്നു... ദിശ നിശയായ് മാറുന്നു.
സായാഹ്നമൊരു നൊമ്പരമാണ്
സൂര്യന് ധരണിയെ പിരിയാനും, വസുധയ്ക്ക് അരുണനെ പിരിയാനും ദു:ഖം
സാന്ത്വനമേകി സാന്നിധ്യമേകിയവർക്ക്
സഹനവീഥിയിലൊതുങ്ങാൻ വിധി.
_ സോണിയ കളപ്പുരക്കൽ DC
No comments:
Post a Comment