മൃത്യു സ്മൃതി

മനുഷ്യ മുന്നിലെ ദിനമറിയാത്ത നിത്യ യാഥാർത്ഥ്യം
മനുഷ്യൻ മന്നനായാലും, പാമരനായാലും
മണ്ണ് മണ്ണിലേക്ക് വിലയം പ്രാപിക്കും
മറക്കാനാവാത്ത നിത്യസത്യം.

മരിച്ചാലും മറക്കാത്ത ഓർമ്മകൾക്ക് മുന്നിൽ
മരിക്കുമോ നിങ്ങൾ പ്രിയ ജീവിതങ്ങളെ...?
മൃതരാണെങ്കിലും, നിത്യജീവനായ്
മനസ്സിലുയരുന്നു മരിക്കാത്ത നൽ സ്മൃതികൾ.

മടങ്ങൂ എൻ മിഴികളെ, മെല്ലെ, മെല്ലെ...
മൃതിയിലല്ല, സ്മൃതിയിലാണ് ജീവൻ.
മയങ്ങൂ എൻ മനസ്സെ, മെല്ലെ, മെല്ലെ...
മനസ്സിനെ തളിരണിയിക്കും ജീവസ്മരണയിൽ.

മാന്തളിരും, മലരും, മഞ്ചാടിക്കുരുവും,
മനവും, മൗനവും, മാനവും, മയിൽപ്പീലിയും,
മൗനമായ് മയങ്ങുന്നു മൃതു മന്ദഹാസത്താൽ
മനസ്സിൻ മരീചികയിൽ...
മരിക്കില്ല , മറക്കില്ല നിങ്ങൾ മനസ്സിന്നറയിൽ.

- സോണിയ കളപ്പുരക്കൽ, ഡിസി.