മാറാത്ത സ്നേഹിതൻ
മലകൾ മാറിയകന്നാലും, കുന്നുകൾ നിരന്നാലും
താഴ്‌വരകൾ ഉയർന്നാലും, കര കാലായാലും
മനുഷ്യർ മറന്നാലും, ബന്ധുക്കൾ പിരിഞ്ഞാലും
മാറാത്ത സ്നേഹമായ് മാറോടു ചേർക്കുമെൻറിശോ.
ഈശോ മാറാത്ത സ്നേഹിതൻ
മാതാവു മറന്നാലും, പിതാവു വെറുത്താലും
മറക്കാത്ത സ്നേഹമാണെന്റെ ദൈവം.
ശത്രുക്കൾ പിരിഞ്ഞാലും, സഹോദരർ പിരിഞ്ഞാലും
ശാന്തനായ് തഴുകുമെന്നെ സ്നേഹിതനാം ദൈവം.
ദൈവം ശാന്തസ്നേഹിതൻ.
കുന്നോളം പാപങ്ങൾ ചെയ്തു ഞാൻ അകലുമ്പോൾ
കടലോളം കാരുണ്യമായ് വന്നുചേരുമവൻ.
വഴി തെറ്റി പോയാലും പിഴകൾ ഞാൻ ചൊല്ലുമ്പോൾ
വാരിയെടുത്തുമ്മ തരും വാത്സല്യനാഥൻ
നാഥൻ ദിവ്യകാരുണ്യ നാഥൻ !
വരണെ നീ മാറോട് ചേർക്കണേ...
എന്നെ നിൻ കരുണയാൽ നിറക്കണേ...
കൃപയാൽ നിത്യവും പൊതിയണെ...
തിരുരക്തത്താൽ കഴുകി വിശുദ്ധീകരിക്കണേ
കർത്താവെൻ രക്ഷകനാം നാഥൻ !
- Sr സോണിയ കെ ചാക്കോ DC
No comments:
Post a Comment