തീവണ്ടിപ്പാളം
കൂകി വരുന്ന തീവണ്ടികൾ
കുട്ടിക്കാലത്തു കൗതുകമായിരുന്നു.
കുതിച്ചു പായും തീവണ്ടികൾ
പിന്നീട് ഒരു ആവേശമായിരുന്നു.
ഒരിക്കലും തമ്മിൽ ചേരാത്ത
കൂടെ ഇരുന്നു കൂട്ടില്ലാത്ത കൂറ്റൻ പാളങ്ങൾ !
അകലങ്ങൾ അടുപ്പിച്ചു നിങ്ങൾ തൻ അകലങ്ങൾ നിത്യം തുല്യം .
ലക്ഷങ്ങളെ ലക്ഷ്യത്തിലെത്തിച്ചു
വമ്പൻ പാളമേ ...
അലറുന്ന ചക്രങ്ങൾക്കിടയിൽ പൊലിഞ്ഞു പോയ തകർന്ന ജീവനുകളെ കണ്ടു നീ കാണാതെ ഇരുമ്പു ഹൃദയവുമായ് നിന്നതെന്തേ ?
അകലില്ല നിന്നകലം ...
അടുക്കില്ല നിൻ അകലം. നിൻ
അന്തരങ്ങൾ അനശ്വരവും നശ്വരവുമാണ് .
- സോണിയ കളപ്പുരക്കൽ, ഡി സി
No comments:
Post a Comment