അസ്തമയം
അസ്തമയ സൂര്യന് ശോഭയേറുമെന്നു പറഞ്ഞച്ഛൻ
ആശ്ചര്യത്തോടെ ഞാൻ നിത്യം നോക്കി നിന്നു...
ആ പ്രപഞ്ച സത്യം കാണാൻ ...
കത്തിത്തീരുമ്പോൾ വിളക്കിനു ശോഭയേറുമെന്നമ്മ പറഞ്ഞു .കാഞ്ചന കാന്തിയിൽ കത്തുന്ന തിരിക്കാണാൻ
കണ്ണിമപൂട്ടാതെ കാത്തിരുന്നു ഞാൻ ...
ഉണങ്ങും മുന്നേ ഇല്ലി പൂക്കുമെന്നും മാഷു പറഞ്ഞപ്പോൾ
തലകുലുക്കി ഇരുന്നു ഞാൻ ക്ലാസ്സിലന്നു.
വിസ്മയത്തോടത് കാണാൻ നോക്കിനിൽക്കെ
ഞാനറിഞ്ഞു ആ യാഥാർഥ്യം ...
അസ്തമയവും, തിരിയും, പൂവും, ഇല്ലിയുമാകേണ്ടത് എൻ ജീവിതമെന്ന്.
- Sr സോണിയ കളപ്പുരക്കൽ ഡിസി
No comments:
Post a Comment