സ്വർഗ്ഗത്തിൻ്റെ താക്കോൽ - ക്ഷമ
മനസ്സറിഞ്ഞ് ക്ഷമിക്കുവാൻ ആവാത്ത നിമിഷങ്ങൾ ഏകിയ ജീവിതാനുഭവങ്ങളെ
നൊമ്പരിക്കും നിങ്ങൾതൻ ഓർമ്മകളെ ഓർത്ത് മിഴിനീരൊഴുക്കുമ്പോൾ
മിഴിനീർ തുടച്ച് ഞാൻ അപേക്ഷിക്കും
ക്രൂശിലേറ്റിവരെ കുരിശിൽ നിന്നും ക്ഷമിച്ച മിശിഹായെ
കരുത്തേകൂ ക്ഷമിക്കുവാൻ...
നിന്നെ പ്രഹരിച്ചവരെയും ചാട്ടയടിച്ചവരെയും
നിന്നെ വലിച്ചിഴച്ചു കുരിശിലേറ്റി വരെയും
നിൻ കൈകാലുകളിൽ ആണി ഇറക്കി,
നിൻഹൃദയത്തെ കുത്തിത്തുറന്ന് വരെയും
നീ അനുഗ്രഹിച്ച് പ്രാർത്ഥിച്ചു... പിതാവേ ക്ഷമിക്കണേ
ഇവർ അറിയുന്നില്ല
ഇവരുടെ ചെയ്തികൾ.
ആദ്യം ഉദരത്തിൽ വഹിച്ചു
പിന്നെ നെഞ്ചിലേറ്റി
ആ കുഞ്ഞിനെ ചേർത്ത്പിടിച്ചുമ്മ വെച്ച് താരാട്ടു പാടിയുറക്കിയ
ആ ഘോര ദിവസം ഉണ്ണിയുടെ മൃദുലമേനി നിൻ്റെ മടിയിൽ കിടത്തിയപ്പോൾ
നെഞ്ചു നുറുങ്ങിയ അമ്മേ,
ആദ്യദിനം കൈകളിലേറ്റിയ ചോരക്കുഞ്ഞ്
അവൻ്റെ
അന്ത്യദിനവും ചോര വാർത്ത് നിൻറെ മടിയിൽ കിടന്നപ്പോൾ ആരോടും പരിഭവമില്ലാതെ ക്ഷമിച്ചു നീ
അവനിയിലെ മക്കൾക്കായി... അങ്ങനെ
കുരിശിൻ ചുവട്ടിലെ അമ്മ ലോക മാതാവായി.
ആത്മ നാഥനായി
ആത്മ ശരീരങ്ങൾ നൽകിയ പുണ്യ സൂനങ്ങൾ സഭയിൽ
അസൂന്തയുടെ മകൾ മരിയ ഗൊരേറ്റിയും, അമേരിക്കയിലെ ലിൾസൾവായും... കേരളത്തിലെ റാണി മരിയയും
ആസക്തിയാലവർ ആ കന്യകകളെ ആക്രമിച്ചപ്പോൾ
അവർ ചെറുത്തു ആത്മനാഥിനായി.
അമ്പതോളം കുത്തിയ മുറിവുകൾ അവരുടെ ശരീരത്തിൽ
ഘോര വേദന
അന്ന് കിനിഞ്ഞിറങ്ങിയപ്പോൾ ഘാതകർക്കായി
അവർ കേണപേക്ഷിച്ചു
അനുഗ്രഹങ്ങൾ ചെരിയും അൾത്താര മുന്നിൽ നാഥാ ക്ഷമിക്കുന്നു ഞങ്ങൾ അവരോട് ക്ഷമിക്കേണമേ കാരുണ്യപൂർവ്വം...
ഭ്രാന്തരായി സ്വന്തം മക്കളെ വെട്ടി കൊലപ്പെടുത്തിയ ഘാതകരോട് പൊറുത്താ മാതാപിതാക്കൾ കുരിശിൽ നാഥൻ പഠിപ്പിച്ച പ്രാർത്ഥനാശക്തിയാൽ
അവർ ക്ഷമിച്ചു, ചേർത്തു പിടിച്ചു വിളിച്ചവരെ "മകനെ" എന്ന് പാരിലെ മാലോകർ അതു കേട്ടു പുളകിതരായി...
നൊന്തുപെറ്റ മക്കളെയും പ്രാണപ്രിയനെയും
ചുട്ടെരിച്ചവരെയും ഒന്ന് ചേർത്ത്
അനുഗ്രഹിച്ചു ഗ്ലാഡിസ് അവർ തൻ മകളും .
ചിന്നഭിന്നം ആക്കിയ അച്ഛൻറെ മേനിയെ കെട്ടിപ്പിടിച്ച്
ചങ്കുപൊട്ടികൊണ്ട് രാഹുലും പ്രിയങ്കയും പ്രിയതമ ഗാന്ധിയും നെഞ്ചോട് ചേർത്ത് പറഞ്ഞു
"നളിനീ ഞങ്ങൾ ക്ഷമിക്കുന്നു".
സ്വർഗ്ഗവാതിൽ മണ്ണിൽ
നമുക്കായി തുറക്കും 'ക്ഷമ'
എത്ര സമുന്നതം ഈ മഹാഗുണം... എത്ര മഹോന്നതം ഈ ക്ഷമിക്കൽ സ്വർഗ്ഗവാതിൽ ഭൂമിയിൽ തുറക്കും മാന്ത്രിക താക്കോൽ ക്ഷമയാണ്.
-Sr സോണിയ കെ. ചാക്കോ DC
No comments:
Post a Comment